UPHIKO olubhekele ukuhlelwa nokuklanywa kwezimpesheni iGovernment Pensions Administration Agency (GPAA) lwabhekana nenkinga yokukhwabanisa ngoFebhuwari 16 wangonyaka odlule lapho izigilamkhuba zizame imizamo yokungena kwi-system yeGPAA ngenhloso yokukhwabanisa imali. Uphenyo ngaleso sigameko lwathola ukuthi kunokwenzeka ukuthi kukhona okungase kube wukuthi konakele kwi-system ngenxa yalokho, njengoba kubonakale ukuthi bakwazi ukungena futhi bathola imininingwane yabantu abathile eyimhlo. Ababhekele imininingwane yabantu kulolu phiko baziswa ngela nkinga ngoMashi 20 wango-2024, futhi kwabikwa nasezinhlakeni ezahlukene ezifanele kubalwa ne-Information Regulator ukuthi iqhubeke nokuphenya. Ilinganiselwa ku-168 000 imininingwane yabantu eyahlolwa ukubheka ukuthi ayibanga yini ohlwini lwalezo ezathikanyezwa wubugebengu. Imininingwane yalaba abathintekayo ibandakanya amagama, izibongo, yizinombolo zomazisi, izinombolo zempensheni, izinombolo zomsebenzi, ubulili, imininingwane yasebhange, nezinombolo zentela. Ukungena kwezigebengu kule mininingwane kungaholela ekutheni zikwazi ukusebenzisa kabi ezikutholayo. Siyaxolisa ngomthelela walokho futhi siyaqinisekisa ukuthi zikhona izinyathelo ezifanele ezithathwayo ukuqinisekisa ukuthi i-system nakho konke okukuyona kuphephile futhi kuvikelekile kunoma yini ehlelwa yizigebengu. Ukusiza ukugwema izimo ezinjena ngokuzayo, sinxusa ukuthi ulandele lamathiphu okuphepha:
1. Qaphela ukuthi wubani ocela imininingwane yakho eyimhlo bese uphendula imibuzo uma kunesidingo kuphela.
2. Unganikezeli kumuntu ngenombolo yakho yase bhange noma yezinhlelo ezinjena eyimhlo kubantu ngocingo, yi-fax, ngemiyalezo yocingo, ezinkundleni zokuxhumana, kwiWhatsApp noma nge-email.
3. Yenza ukuthi izinombolo zakho eziyimihlo zehluke, zingabi yinto eyodwa kuma-akhawunti akho, futhi uhlale wedlulisa isikhashana, bese uyazishintsha.
4. Faka i-software esiza ukuvikela amagciwane aset shenziswa yizigebengu ukulutha nokuqola abantu kumaselula noma kwikhompyutha yakho.
5. Gwema ukungena kuma-link asolisayo nongawazi nemiyalezo ongayejwayele.
6. Qapha konke okwenzeka kwi-akhawunti yakho yasebhange, bese uyabika uma kukhona okusoli sayo okubonayo.
I-GEPF isiqinisekise ukuthi uhlelo lwalobu buchwepheshe selubuyekeziwe futhi kwaqiniswa ezokuphepha kulona ukuze kungabi lula ukugcwaneka kwezigilamkhuba. Ukubuyekeza lokho kubandakanya ukuqinisa ezokuphepha ukuze kugwemeke ukungena kwanoma wubani nanoma yikanjani emininingwaneni yabanye abantu. Ukusebenza kwale system kuyabhekwa futhi kuyahlolwa njalo ngosuku ukubheka ukuthi akwenzeki lutho olusolisayo nolungaba yingozi. Uhlelo lokugcina lokulawula ukusebenza kwale system luzobandakanya ukufaka ukwenziwa kwesizinda esibhekele ukusebenza kwezokuphepha noluzoza nezixazululo zezinkinga ezinjena, okuzokwenza ukuthi kukwazi ukubikwa ngeminyakazo esolisayo, bese kuhlale kubuyekezwa ukuze kuhambisane nesikhathi. I GEPF ne-GPAA isazibophezele ukuqinisekisa ukuvikela imininingwane yabantu eyimhlo, futhi bonke abathintekayo esigamekweni esedlule bathintwa bazizwa ngokwenzekile ngesitatimende sabezindaba esanamekwa kuma-website ngoMashi 20 wango-2024, futhi kwakhishwa nesinye isitatimende ngoSepthemba 2024 ukwazisa ngohlelo lokuphenya olwase luqaliwe. I-GEPF ne-GPAA isifake yona imininingwane yalesi simo kwi-website ethi: www.gepf.co.za nethi www.gpaa.gov.za ngokwehlukana kwawo, ukulandisa ngokuphelele ngezokuphepha njengokuyalela kwesigatshana somthetho iSection 22 of Protection of Personal Information Act 4 yango-2024. Ngaphezu kwalokho, kuzoqhutshekwa kwaziswe abantu uma kunokunye okufuze lokhu okwenzekayo. Uma umuntu edinga eminye imininingwane noma kukhona okungamcaceli kahle, engavakashela amahhovisi ukubika ngalokho.
Kukhishwe ngu Government Employees Pension Fund
